سياسة

فجر يوم جديد              

*********************************************************************

                                                                    
كلمة وشعار دائما مانقولة ونتداولة ونتمناة وخاصة في الاوقات الصعبة !!!!! بس لحظة متى انتهت اصلا الاوقات الصعبة قبل اكثر من مئة سنة كانت المنطقة العربية عامة والعراق خاصة يهتف انة في مرحلة صعبة مرحلة تكاد تكون تاريخية ونقطة تحول ويبدون اننا الى هذا الوقت لم نرى نقطة التحول هذه ولكن كنا نرى موجات عاتية قد تقلب الطاولة يمينا او يسارا ولكنها لم تعدل الوضع او تفرش فرشة حتى لو كان هذا المفرش من الاكياس القديمة .
نرجع مرة ثانية الى المئة سنة الفائتة عندما كان عندنا العثمانيين كنا نطالب بالحرية والاستقلال من العثمانيين وهم في الحقيقة صاروا من اهل البلد لانهم حكمونا 400 سنة والحديث يقول من عاشر القوم 40 يوما كان منهم هنا الكثير يقولون ان العثمانيين شوهوا الدين وقيدوا الحرية  الى اخرة من السوالف التي لاتنتهي للناس بعد انتهاء اوقات الدوام 
خلصنا من العثمانيين وجاء الانكليز وطبعا دولة كبيرة عظيمة تحكم العالم في وقتها طيب الناس بما انة الناس طبقات ففي طبقة طلعت وية العثمانيين وطبقة مستفيدة استمرت وية البريطانيين والناس الاعتيادية مثل مكانت تسولف وتشكي وتبكي (( وهنا نقف عند هذه النقطة الناس ليش تشكي وتبكي وياساتر وكئابة ةجسمة يوجعة ))؟؟؟ .
هل هذا بسبب الامراض الوراثية لو في جين يتنقل بالدم مع الحامض النووي ( DNA ) قبل ان نصل الى بعض تفسيرات الدكتور علي الوردي الله يرحمة حول شخصية الفرد العراقي في كتابة بنفس الاسم وتأثير السياسة والحكم في كتابة وعاظ السلاطيين  .
نكمل مسيرة الفرد العراقي اثناء مرحلة البريطانيين ظهرت حركات لينين والحركات الشيوعية والي كانت تنتشر بسرعة عبر العالم البريطانيين اعطوا نوع من الحرية للعراقيين وهم بعرفون انة العراقيين لن يفعلوا لهم اي شي ولن يفعلوا لهم اي شي لانهم بطبيعة الحال يسود على الاغلبية نوع من اللامبالاة المصيرية طبعا ممكن انة الكثير يذكرون ثورة العشرين واغتيال الانكليز ووو   بس هية لاشئ  مقابل حركات ظهرت في دول من العالم غيرت شعوب واسست دول يعني بمعنى اخر كانت حركاتنا لعب جهال .
عندما نذكر الحركات والثورات التي ظهرت وحدثت بالتوالي واحدة بعد الاخرى تراها بلا معنا ومجرد انة عدد سيطروا على الجيش احبوا ان يسيطروا فقلبوا قائدهم وحكموا وهكذا الى اخرهم صدام حسين كان اخرهم والان نحن بالتأكيد في فترة توقف الشغب الى فترة لا اعتقد انها سوف تطول ولن تتعدى العشر سنوات من الان ونحن في سنة 2010 والاكيد انة سوف تظهر جماعة تقول انها قلبت وسيطرت وطردت الاحتلال وووو الى اخر الخرط الفارغ المسموع مئات المرات في الخطابات 
وصلنا الان الى الزمن الحاضر وكنا قد بدئنا نحن والصين في نفس الوقت ثوره ضد الظلم والاحتلال والكلام الكبير كبيييييير الي من الواحد يسمعة يقول يمكن احتلينا القمر .
ابتدائا من 1950 كانت الصين في مرحلة لاتحسد عليها والحرب العالمية احرقت الاخضرواليابس . كانت الصين قد بدأت تحاول انشاء دولة ونحن بدأنا نحاول نقلب دولة لنحاول ننشأ دولة وهنا عندما اقول نقلب ليس انني احب النظام الملكي الذي كان يحكم البلد بل انني حتي لست معجب بة نهائيا لانة لم يكون دولة ذات اساس متين .
العراق لا اعتبرة دولة متعددة الثقافات والاعراق وانما شعب يعدد الثقافات والاعراق شعب تعود ان يقسم نفسة لانة مثلا هذا القسم يسيطر حاليا او ذاك اما كرد وعرب وتركمان ومسيح ويهود ومسلمين الخ الخ نحن ننشأها وننفخ فيها للاسباب المذكورة سابقا .
نرجع للصين دمرت بسبب الحرب العالمية وومعها وبعدها بسبب الحرب الاهلية ومعها بحروبها مع اليابان ومشاكلها مع الانكليز والكثير من المشاكل اما نحن صنعنا المشاكل كانت اغلب الثورات التي حدثت في العراق على اسس اشتراكية متعدد الاشكال ذات اهداف كلامها نبيل ومضمونها فتيل بل وان كل من يأتي يدمر ما كان مبني ويعيد الوضع الى نقطة قبل الصفر 

نصب ثورة العشرين رمز ازيل في 2010 

العراق 1950

اما الصين 

                            احتفال عام 1950


اما موضوع الجسور وللاسف الحكومة الحالية تتكلم عن مشاريع عملاقة وجسور ليس لها مثيل هذا الجسر الجبار طبعا

ام الصين المتخلفة هم طبعا فخط الجسور عندها بهذا الشكل وهذه الصورة حقيقية صدقوني طبعا جسرنا احلة وصورتة ايضا حقيقية صدقوني


نعود للفرد العراقي والسؤال الذي يطرح نفسة هل كان الشعب العراقي هو خلف التغيرات ؟؟؟ والجواب طبعا لا لاننا دائما ماكنا ننتظر البعيد وننتظر خطة هذا الطرف البعيد ليس مثل الصين التي اضاءت يومها فنحن يومنا طويل وننتظر فجر يوم جديد.

هنا كلية الرافدين الجامعة

بما انة السنة الجاية انشاء الله هكون بالمرحلة الرابعة والاخيرة من الكلية (كلية الرافدين الجامعة) قسم هندسة الاتصالات فيعني المفروض انة اكون اكتسبت معلومات وخبرة عن الكلية بجميع مراحلها من اول يوم وشوف الضحك الى اول محاضرة والصفنة بأنواعها الى اول امتحان وطبعا خلاصة انواع الغش المتوارثة والمستحدثة بالاضافة للتعرف على الاصدقاء الجدد وانواع الاصدقاء   

السادس الاعدادي

البكلوريا

الكارثة الكبرى    

هذه المرحلة لايمر بها الطالب ومهما كان هذا الطالب عبقري مرور الكرام لانها مرحلة الدمار العقلي والضغط النفسي والاهل يستحضرون كلام من عمق التاريخ مثل (انتة اذا مجبت معدل مستقبل يضيع --يضيع --يضيع ) طبعا هذه اقل كلمات ممكن يقولوها بيوم هادئ اعتيادي .

السادس اعدادي بالسنة الي مريت بيها كان مو بس سادس وانما سنة الدمار السياسي والوضع الامني الاسؤ في بغداد وهية سنة 2006 - 2007 وبداية 2006 كنت بثانوية الكرخ للبنين وهذه الثانوية يراد لها موضوع خاص يكفيها حقها المهم بداية السنة واني بثانوية الكرخ بدأت عمليات اغتيال وقتل لاسباب مختلفة ********************* الخ لان محد يعرف الاسباب الا الله وحده 

وبدأت المنطقة الي اسكن بيها وهية شارع حيفا احد الشوارع الرئيسية والمركزية في بغداد يتدهور امنيا 

لذلك اضطرينا ان ننتقل الى احدى المحافضات العراقية الاخرى ومن هناك رجعت مرة ثانية لاكمال المعركة الاخيرة في الدراسة الابتدائية والمتوسطة والاعدادية وهية مرحلة السادس اعدادي علما انة كنت علمي  وطوال هذه الايام التي مره والتي تلحقها كانت التهديدات والوعيد من المدرسين والاهل لاتنقطع وكأنها اعانات دولية ولكن باليورانيوم المنضب .

وصدقوني وانا متأكد انة لو شوية يمكن انة اصل الى مرحلة الي روح ميرجع يعني لو اني لو السادس.

المهم الحمدالله اقتربت الامتحانات وطبعا زاد التشجيع والاسناد والاذلال والتهديد مادري اشلون بس الحقيقة هذه الحقيقة .

يشجعون ويكلولك هسة تنجح ونجيبلك ونوديك مثل الاطفال والاسناد يكلك اي شي تريد كول ملازم خصوصي وطبعا اخذت خصوصي  اما الاذل فأنة يكلك جبنالك ملازم واخذت خصوصي وطبعا بالسعر الفلاني اذا منجحت او جبت معدل واطي فالى الجحيم 

جتي الاربعين يوم قبل الامتحانات واكانت وكأنة الطالب محكوم سجن مؤبد يمكن بالنسبة الي بس او للكثير وصارت الدقايق ايام والايام سنين حتة انة البعض من الاصدقاء حلقوا شعرهم صفر والبعض خلو اللحية تطول اوغيرها من الحركات 

خلصت فترة الحكم المؤبد ودخلنا بالامتحانات وصرت والحمدلله على الحميد المجيد الذاكرة صفرة واهتقد انة اكو خلل بالجمجمة والعين واليدين والرجلين بسسسس مبقة شي يعني الحقيقة اكو مواضيع نسيتها وكأنة قلعت عن بكرة ابيها دخلت البكلوريا لانة لاتراجع ولا استسلام اما الموت او الشهادة .

نجحت ولكن ؟؟؟؟؟؟؟

كان معدلي مقبول لكن ميدخل اي كلية ارغبها وبما انة اكو رافد بالعائلة اسمة رافد الهندسة لان ابي مهندس واختي مهندسة وعمي وابناء وبنات عماتي مهندسين وأنا اصلا من ان كنت صغير احب الهندسة حاولت ان ادخل هندسة فكرنا بالهند ومصر ومسائي واهلي الى ان استقر الرأي على كلية اهلية واكنت عدد من الكليات الاهلية ذان الاختصاصات الهندسية فاتحة بالعراق منها الرافدين والمأمون والمنصور بس بعد ان سألنا وتأكدنا من موقف الكليات كان القرار حول كلية الرافدين الجامعة ومن هنا بدأت المرحلة الجامعية مرحلة جديدة بكل معانيها ومتغيراتها.

ومن هنا جاءت مرحلة كلية الرافدين الجامعة

هنا كلية الرافدين 

عند بدئ العام الدراسي كان لابد لي من العودة الى العاصمة بغداد لدخول الكلية عدنا واذكر اننا بسبب التأخيرات والنقل استطعنا العودة بعد اسبوعين من بدئ الدوام الرسمي اول يوم تعب وثاني يوم دنرتب البيت واليوم الثالث داومت وطبعا اكو احساس غريب وجديد لان مرحلة جديدة وتغيرات ومبقة شي واخلص دراسة (( وكأنة اذا خلصت راح انام وراها وبيانها هيش راح تصير )) المهم داومت واول يوم مو مثل المتوسطة لو الابتدائية لو  لو  لو يعني شفت الكل واكف بالساحة يم الكافتريا وطبعا اكيد مو مثل الثانوية لان الجرس يدك بعد ماشوف خيالي لان راح للصف المهم سألت على القسم ومكان الجدول ودلوني الحمدالله رغم انة الكلية صغيرة جدا بس كنت مثل الاطرش والاعمى بالزفة رحت الى رقم القاعة الي لحضتها كان فيها محاضرة ودخلت القاعة والكل ممركز لان متأكد انة الكل مثلي ميدرون شكو وهذا الي اتأكدت منة بعد اسبوعين وية اول امتحان دخل الاستاذ والواضح انة اول محاضرة ياخذها الطلاب يعني اني ممتأخر بدة يعرفنة بأسمة (( اني دكتور امجد اجيكم بمادة دوائر اللكترونية ))  وكانت هاي كل استاذ بعدها يدخل يكول المقدمة مالتة استاذ امجد هذا والحقيقة تقال استاذ ممتاز بالمادة بس عندة لوفات وحركات.

اول يوم والبعدة كان على نفس الموال سولفت وية الكل بس متعرفت على احد بعد خلص الاسبوع وطلع اكو فد شي اسمة اوف وطبع سامع بية وادري عطلة بس ممجربة قبل لان زمان كانت الجمعة مقدسة عند الطلبة وعادة وللاسف الامتحانات بعدها بس اوف فهذا شي جديد .

بدا الاسبوع الثاني بديت ومثل الكل اكيد اشوف الي رأية مثلا مقارب تفكيرة يعني الواحد يكون صداقات وبعدين عددنا كان كبير يعني من كل واحد اسمع سالفة متتعده سبع ثواني بس وياها تصرفات وحركات الواحد 

2009-2010 المرحلة الثالثة

هاي جروبنا او جماعتنا الي من اول مرحلة صرنا انشاء الله احسن اصدقاء 

من اليمين قاسم ناهي بعدة اني وعمار نجم وبالخلف عيسى محمد

اثناء بناء البناية الجديدة بالكلية

عمار نجم طالع كأنة اعلان MP3

صديقنا سجاد

قاسم بأحد القاعات الجديدة بعد البناء

قاسم ناهي ومنتظر طلال وانا

انس عبد السلام 

حمزة وانس بيوم غائم 

هذه الصورة 2010 - 2011 مرحلة رابعة في بداية الكورس الاول 

على اليمين حسين هيثم وموسى محمود

*************************************************

صدك شنو جمع بيبسي الحكماء من الطلاب قالوا انة بباسي وفد واحد داير وجهة قال انة ببسيات مؤنث وواحد على عناد الثاني سواها ببسيون   فطاحل كان الله بعون الاساتذة 

************************************************

بدأ الطلاب وهذا الحاصل الى يومنا هذا يكونون تكتلات جروبات ((قطعان الماشية)) مثلا انة صار البنات كتلة بحد ذاتهم والشباب كل كم واحد على صفحة  يعني مثل مكال دارون حول تطور الحياة بس النظرية مالتة المفروض يسموها نظرية تطور طلاب الكلية لان كان من المحتم على البعض مواكبة الكلية وطلابها ويكون لة كبل وبصراحة شديدة صارت العملية وفق مبدا                      (( الشكل ورد الفعل ))

يعني الشاب من الشباب يشوف وحدة لطيفة دخلت دماغة بس يروح يسأل جماعتها اسمعها المواليد و..........الخ وكل واحد واسلوبة اكو يشتغل صمغ ويلصق واكو يتعرف على ناس يعرفوة عليها واكو مثل الاسد يتوكل ويروح (يوكع وكعة وهوة واكف ) 

نرجع للدراسة الدراسة صار كل استاذ يدخل يطينا موعضة حسنة ويكول انتو لازم تصيرون زينين بالانكليزي .....

والحقيقة المرة انة الكل كان ميفهم شي وماكوا احد بينه زين بالانكليزي الاستاذ امجد كان صاحب اول امتحان بالسنة الاولى من الدراسة وبدأ وية اول امتحان ابداعات الطلبة بالغش والبراشيم والنقل 

____________________________________________________________

____________________________________________________________

____________________________________________________________
شوفوا اليابانيين كيف يبرشمون


يكتب المعلومات عالورق

يطبعها 



لاحظوا حجم الخط *_*



يلصق عليها اللصق ' الشفاف '


يقصقصها شرايط 

يغطسه بالماء

يغطسها تمااااااااام

يقشر الورق ' المبلول '

يعلقها تنشف 

ويلصقها وين مايحب 

واخيرا وليس اخرا 

وطبعا الغش بالامتحان وهل يخفى القمر اساس نجاح الكثير من الطلاب بالامتحانات الشهرية 

---

المختبر

كان اول دخول للمختبر في نفسي شي جميل واعتقدت انة سوف يكون مرتكز اساسي لموادنا الدراسية 

دخلنا المختبر وقسمونا مجموعتين A  &   B مثل كل الاقسام والكليات حتى يكفي المختبر عدد الطلاب للأسف صار المختبر بعد فترة عقاب للطلاب لانة صار الطلاب يكتبون التجربة كاملة من الملزمة بس بالنهاية يضيف ورقة الحل هاي اذا هوة اصلا حال المناقشة (الدسكشن) لان بعدين تعلمنا انة احد الطلاب يحل والباقي ينقلون منة الحل الصبح قبل تسليم التقرير للاستاذ .

موقع كلية الرافدين

http://www.coalrafidain.edu.iq/